ஆலய திருப்பணி வேலைகள் துரித கதியில் நடைபெறுகின்றன!

கடந்த 06-05-2013 திங்கட்கிழமை அன்று எம்பெருமான் திருவருள் துணையுடன் ஆரம்பிக்கப்பட்ட ஆலய திருப்பணி வேலைகள் தொடா்ந்து இடம்பெற்று வருகின்றன.

ஆலயத் திருப்பணி வேலைகளில் முதற்கட்டமாக பரிவார மூர்த்தியான பிள்ளையார் ஆலய ஸ்தூபி அமைப்பு வேலை நடைபெற்றது.

அடுத்த கட்டமாக பரிவார ஆலயங்கள் இடிக்கப்பட்டுள்ளன. ஆலய வசந்த மண்டபம் கூரை கழற்றப்பட்டு இடிக்கப்படும் நிலையில் உள்ளது.

கற்கள் அறுக்கப்பட்டு வருகின்றன.

அடுத்த கட்டமாக  01-06-2013 சனிக்கிழமை திருப்பணி வேலைகள் மீண்டும் ஆரம்பமாகியுள்ளன.

முதற்கட்டமாக பரிவார மூர்த்திகளான காளி மற்றும் ஐயனார் ஆலயங்கள் அமைக்கும் பணிகள் நடைபெறுகின்றன.

அடுத்த கட்டமாக வசந்த மண்டபம் மற்றும் மணிக்கூட்டுக் கோபுரம் ஆகிய பணிகள் ஆரம்பிக்க தீர்மானிக்கப்பட்டுள்ளது.

அதனையடுத்து ஆலய வெளிமண்டபம் மற்றும் மடப்பள்ளி, களஞ்சிய அறை  என்பனவற்றின் பணிகள் ஆரம்பிக்க திட்டமிடப்பட்டுள்ளது.

பரிவார மூர்த்திகளின் கட்டிட வேலைகள் பூா்த்தியடைந்ததும் பாவை வேலைகள் ஆரம்பிக்கவுள்ளதாக ஆசாரியார் தெரிவித்துள்ளார் என்பதையும் எம்பெருமான் அடியார்களுக்கு பணிவன்புடன் அறியத்தருகின்றோம்.

மேலும் எம்பெருமான் திருப்பணி வேலைகள் செய்வதற்கு தொடர்ந்து சம்மதம் தெரிவித்துள்ளவர்கள் விபரம்:

குதிரை வாகனம் –   அமரர் திரு. நா. பாலசுப்பிரமணியம் குடும்பத்தினர்

இதுவரை பணம் அனுப்பியவர்கள் விபரமும்! தொகையும்!

திரு. அழகராசா (ஆறுமுகம்) குடும்பத்தினர் –  பிள்ளையார் பரிவாரம் கணக்கில்    –   ரூபா மூன்று லட்சம் (300,000/=)
திரு. சி. ஆறுமுகம் (மயில்வாகனம்) குடும்பத்தினர்  –  வசந்த மண்டபம் கணக்கில்  ரூபா மூன்று லட்சம் (300,000/=)
திரு. கா.கந்தையா (சிவபாதசுந்தரம்) குடும்பத்தினர் – காளி பரிவாரம் கணக்கில் ரூபா ஒரு லட்சம் (100,000/=)
திரு. கண்ணையா மற்றும் வீரகத்தி குடும்பத்தினர் – அர்த்த மண்டபம் பாவை வேலைகள் கணக்கில் கண்ணையா குடும்பத்தினர்  ரூபா மூன்று லட்சத்து முப்பத்திநான்காயிரத்து தொளாயிரத்து நாற்பத்தைந்து ( 334,945/=)

நடைபெற்றுக் கொண்டிருக்கும் திருப்பணி வேலைகள்

ஏற்கனவே ஆலய திருப்பணி வேலைகளைச் செய்வதற்கு சம்மதம் தெரிவித்துள்ள உபயகாரர்கள் தயவுசெய்து ஆலய நிர்வாக சபையினருடன் தொடர்பு கொண்டு  தங்களது திட்டமிட்ட திருப்பணி வேலைகளை ஆரம்பிப்பதற்காக ஆரம்பகட்ட நிதியாக  சிறு தொகை பணத்தினை அனுப்பி வைத்து ஒத்துழைப்பு வழங்குமாறு தங்களை  பணிவன்புடன் கேட்டுக்கொள்கின்றோம்.

அத்துடன் இன்னும் செய்யவேண்டிய எவ்வளவோ பணிகள் பொறுப்பேற்காத நிலையில் உள்ளன. அவற்றையும் குறிப்பாக வெளிநாட்டில் வசிக்கும் எம்பெருமான் அடியார்கள் பங்களிப்பு செய்து ஒத்துழைப்பு நல்குமாறு வேண்டிக் கொள்கின்றோம்.

முன்னைய காலங்களில் எவ்வளவோ வேலைகளை சிரமதான அடிப்படையில் செய்யக்கூடியதாக இருந்தது. ஆனால் தற்போது அந்த நிலை இல்லை. எதற்கும் கூலி கொடுத்துத் தான் செய்யக்கூடியதாகவுள்ளது என்பதையும் வருத்தத்துடன் தெரிவித்துக் கொள்கின்றோம்.

குறிப்பு:  சுற்று மதில் அமைத்தல்

ஆலயத்தைச் சுற்றி சுற்றுமதில் அமைக்க ஆலய நிர்வாக சபையினர் திட்டமிட்டுள்ளனர். அதற்கிணங்க ஒவ்வொரு வழிபாட்டுக்காரர்களும் எம்பெருமானுடைய திருப்பணிகளில் பங்கேற்க வேண்டும் என்பதற்காக ஒவ்வொரு  தூண் இடைவெளிக்குள்ளான மதில் அமைக்கும் பணியை விரும்பும் ஒவ்வொரு அடியவர்களுக்கு பகிர்ந்து கொடுக்கவும் தீர்மானித்துள்ளனர்.

விரைவில் அமைக்கவிருக்கும் சுற்றுமதிலின் ஒவ்வொரு தூண் இடைவெளி மதில் அமைப்பதற்கான செலவு எவ்வளவு என்பதை ஆசாரி மதிப்பீடு செய்து தரவுள்ளார்.

மதிப்பீடு கிடைத்தவுடன் ஆலய இணையத்தளத்தில் பிரசுரிப்போம். எம்பெருமானுடைய சுற்றுமதில் அமைக்கும் அரிய திருப்பணி கைங்கரியத்தில் பங்குபற்ற விரும்பும் அடியவர்கள் உடனடியாக கீழ் குறிப்பிடும் தொலைபேசி இலக்கங்களுடன் தொடர்பு கொண்டு தங்களது பெயர்களை பதிவு செய்து கொள்ளுமாறு ஆலய நிர்வாக சபையினர் பணிவன்புடன் வேண்டிக்கொள்கின்றனர்.

தொடா்புகொள்ள வேண்டிய தொலைபேசி இலக்கங்கள் வருமாறு:

1. நிர்வாகசபை தலைவர் – ந. செல்வராசா – 0774535592
2. நிர்வாகசபை செயலாளர் – க. இராசலிங்கம் – 0774477489
3 . நிர்வாகசபை பொருளாளர் – நா. குமரேசு – 0776701175
3. ஆலய போசகர் – ஆ. நவரத்தினசாமி – 0773548525