அடியார்களிடம் ஒரு முக்கிய வேண்டுகோள்!

நாகர்கோவில் வடக்கு அருள்மிகு முருகையா தேவஸ்தான நிர்வாக சபையினர்,  உள்ளூர் மற்றும் வெளிநாடுகளில் வாழும் எம்பெருமானின் அடியார் பெருமக்களிடம் ஒரு வேண்டுகோளை விடுக்கின்றனர்.

ஆலயத்தில் இதுவரை காலமும் சரியான ஒரு பூசகர் கிடைக்காததினால் நிர்வாக சபையினர் மத்தியில் குழப்பகரமான நிலையிருந்துவந்தது.

தற்போது ஆலய பூஜைகளை பழைய குருக்களின் மகன் பொறுப்பேற்றுள்ளதனால் ஆலயத்தில் குறைபாடுகள் ஏற்படுவதற்கு காரணம் என்ன என்பது பற்றி குருக்களுடன் ஆலோசனை நடாத்தினோம்.

அதுகுறித்து அவர் எமக்கு சில விளக்கங்களை கூறி இவற்றை நிவர்த்தி செய்தால் ஆலயத்தில் உள்ள குறைபாடுகள் நீங்கும் என்றும் ஆலயம் இன்னும் அபிவிருத்தியடையும் என்றும் கூறியிருந்தார்.

குருக்கள் கூறிய குறைபாடுகள் வருமாறு

ஆலய தீர்த்தக்கிணறு வாசல் விட வேண்டும்

சண்டேஸ்வரர் ஆலயம் அமைய வேண்டும். அல்லது விக்கிரகம் வைக்க வேண்டும்.

இவையிரண்டையும் உடனடியாக நிவர்த்தி செய்தால் ஆலயம் மேன்மையடையும் என்றும் கூறியிருந்தார்.

அதன்பிரகாரம் தீர்த்தக்கிணற்றுக்கு வாசல் வைப்பதற்கு ஆசாரியுடன் கதைத்து விரைவில் வேலை ஆரம்பிக்கப்படவுள்ளது. கதவு வேலை நடைபெறுகிறது. விரைவில் செய்து முடிக்கப்படும்.

எதிர்வரும் மணவாளக்கோல தினத்திற்கு (28-08-2016) முதல் இரண்டு குறைகளையும் நிவர்த்தி செய்வதென நிர்வாகசபையினர் தீர்மானித்துள்ளனர்..

எனவே சண்டேஸ்வரர் ஆலயம் அமைப்பதற்கு முன்னர் ஒரு தாமிர விக்கிரகத்தை செய்து வைக்கலாம் என குருக்கள் கூறியுள்ள ஆலோசனைக்கமைவாக ஒன்றரை அடி உயரமான விக்கிரகம் கடையில் விசாரித்த வகையில் 85,000 ரூபா விலை வருமென தெரிவிக்கப்பட்டுள்ளது.

எனவே வெளிநாட்டில் வசிக்கும் எம்பெருமான் அடியவர்கள் எவராவது தனித்தோ அல்லது பங்காளிகளாகவோ முன்வந்து  இந்த சண்டேஸ்வரர் விக்கிரகத்தை எடுப்பதற்கு நிதியுதவி வழங்கி ஆலய நிர்வாக சபையினருடன் ஒத்துழைக்குமாறு  தாழ்மையுடன் வேண்டிக்கொள்கின்றோம்.

விரைவான தொடர்புகளுக்கு –
திரு. ஆ.நவரத்தினசாமி,
ஆலய போஷகர் –
தொ.இல 0094 773548525 அல்லது 0094 11 2981634

நிர்வாக சபையினர்
அருள்மிகு முருகையா தேவஸ்தானம்
நாகர்கோவில் வடக்கு